Geistesschwestern und Geistesbrüder,


zu unseren Drehtagen im August 2021 mit dem SWR blicken wir ein wenig hinter die Kulissen und nehmen Euch mit zu einigen exponierten Plätzen in Frankenthal. Am alten Stadthafen, im Nagelstudio der anonyme Giddarischde und später auch noch in unser Wohnzimmer ins Gasthaus zum Elefanten.


Die ganze Sendung „Fahr mal hin“ gibt’s am 04.06.21 im SWR Fernsehen Rheinland-Pfalz.
Liewe Grieß, die anonyme Giddarischde!

 

Ab und zu...

 

Ab und zu, aa’ch mool bei Rege‘ zieht’s uns im Wald uff alte‘ Wege.

Dort kriegscht Du dann noch lange Tage Dein Akku wieder uffgelade‘,

wann die Natur im Winter ruht, des tut de‘ g’schtresste‘ Seele gut

unn‘ unn’er Bääm, do denk isch froh: Isch bin so gern, so gern vun Do!

Mool widder….

…alte Wege gehe,

WeiderleseAb und zu...

Liewe Geischtesschwestern und Geischtesbrieder, Konzertbesucher, Zuheerer unn‘ Freunde!

Liewe Pälzerinne‘ unn‘ Pälzer!

zum zwe’ttemool sitze’mer vor’m Radio unn‘ kauen uns die Fingernäg’l. Fär uns, die Kabell‘ sinn‘ das Momente, in den’e Dir s‘ganze Johr dursch de‘ Kopp geht. Noch de meischte Konzerte bleibt de‘ Bänd, so wie Eisch, oft bloss wennisch Zeit zum Resimiere, weil mir jo wie Ihr glei’h widder schaffe geh’n unn‘ in de‘ Fabrik oder im Biroo im alde Hamschterrad renne‘ miss’n. 

S’gibt awwer Momente, wie uff’m Literarische in Derk’m, oder wann’mer mool alläh fer sisch am Radio sitzt, do kummt alles zurick, die ganze Leit‘, uff de‘ Konzerte unn‘ daß mir uff diese, sehr perseenlische Art unn‘ Weis‘, bei Eisch sei‘ därfen, daß immer widder Leit ihr’n Geburtsdag oder Hochzeitsdag uff uns’re Konzerte feiern unn‘ daß mer‘ sisch dort kennt unn‘ trefft.

Vorhin war die Lewwerworscht uff’de Nummer 55, das hett‘, des miss’ner uns glaawe, niemools ääner vun uns gedenkt. S‘beschte is, s’Palzlied kummt jo erscht noch! Die Kollesche sinn‘ jetzt All schunn wach unn‘ kauen an Ihr’m Friehschtick oder sitzen schunn uff de‘ gepackte Koffer, fer’s Kuckucksbähn’l heit unn‘ s’kännt alles so sei‘ wie bei’me normale Ufftritt unn‘ doch is alles annerscht!

Mir missen Eisch des an de’re Schtell danke,  daß Ihr nät nur zu uns kummt, sondern daß Ihr viele Konzerte in e‘ Art Wohnzimmer verwandelt in dem mir Dehääm sei‘ dierfen um mit Eisch zusamme unn’er de’ne Mensche zu sei‘ wu mer der is‘ wu mer is!

Fer all die Unnerschtitzung, fer des Zusammehalte, fer’s Do sei‘ uff Konzerte unn‘ iwwerall wu mir uns treffen, weil Palz is‘ wu die Pälzer sinn‘, Dankschää!

Die Andrea, de‘ Schleifer, de‘ Jochen, de‘ Schteppes, de‘ Kaule, de‘ Roman, de‘ Lange 

unn‘ Eier‘n Edsel!

Liewe Geischtesschwestern und Geischtesbrieder, Konzertbesucher, Zuheerer unn‘ Freunde!

Liewe Pälzerinne‘ unn‘ Pälzer!

zum zwe’ttemool sitze’mer vor’m Radio unn‘ kauen uns die Fingernäg’l. Fär uns, die Kabell‘ sinn‘ das Momente, in den’e Dir s‘ganze Johr dursch de‘ Kopp geht. Noch de meischte Konzerte bleibt de‘ Bänd, so wie Eisch, oft bloss wennisch Zeit zum Resimiere, weil mir jo wie Ihr glei’h widder schaffe geh’n unn‘ in de‘ Fabrik oder im Biroo im alde Hamschterrad renne‘ miss’n. 

S’gibt awwer Momente, wie uff’m Literarische in Derk’m, oder wann’mer mool alläh fer sisch am Radio sitzt, do kummt alles zurick, die ganze Leit‘, uff de‘ Konzerte unn‘ daß mir uff diese, sehr perseenlische Art unn‘ Weis‘, bei Eisch sei‘ därfen, daß immer widder Leit ihr’n Geburtsdag oder Hochzeitsdag uff uns’re Konzerte feiern unn‘ daß mer‘ sisch dort kennt unn‘ trefft.

Vorhin war die Lewwerworscht uff’de Nummer 55, das hett‘, des miss’ner uns glaawe, niemools ääner vun uns gedenkt. S‘beschte is, s’Palzlied kummt jo erscht noch! Die Kollesche sinn‘ jetzt All schunn wach unn‘ kauen an Ihr’m Friehschtick oder sitzen schunn uff de‘ gepackte Koffer, fer’s Kuckucksbähn’l heit unn‘ s’kännt alles so sei‘ wie bei’me normale Ufftritt unn‘ doch is alles annerscht!

Mir missen Eisch des an de’re Schtell danke,  daß Ihr nät nur zu uns kummt, sondern daß Ihr viele Konzerte in e‘ Art Wohnzimmer verwandelt in dem mir Dehääm sei‘ dierfen um mit Eisch zusamme unn’er de’ne Mensche zu sei‘ wu mer der is‘ wu mer is!

Fer all die Unnerschtitzung, fer des Zusammehalte, fer’s Do sei‘ uff Konzerte unn‘ iwwerall wu mir uns treffen, weil Palz is‘ wu die Pälzer sinn‘, Dankschää!

Die Andrea, de‘ Schleifer, de‘ Jochen, de‘ Schteppes, de‘ Kaule, de‘ Roman, de‘ Lange 

unn‘ Eier‘n Edsel!

Liewe Zuhörer, Zuschauer, Mittäter, und Freunde, 

nachdem zuletscht alle uff Facebook g’schriwwe hawwen und des Gäschdebischl wesche'm defekt e biss’l verwaist iss, mescht’isch de Blog mol widder wachkisse unn‘ misch zuallerallererscht mool bei unserem Publikum bedanke, des nit nur zahlreisch sondern geradezu euphorisch zu uns kumme is. Mit himmelweite Aa’fahrte vun zum Deel mehrere hunnert Kilometer um mit uns zusamme aus Konzerte rischtische Volksfeschte zu mache‘! – Dankschää dodefor.

Wie wann des noch nit genug wär‘ hawwen mir dank Eisch 3 Lieder in de‘ Top 1000 uff SWR 1 in de‘ Heererhitparad‘. Die erscht Nummer war „Alles weil mer Pälzer sinn‘“ die annere Zwee kummen noch awwer kääner weß wann. Jetzt sitze’mer all‘ am Radio unn kauen uns die Fingernesch’l wann mer draa sinn? Mittlerweile isses schunn unner Platz 460 s’geht also immer weiter!

Des habt Ihr gemacht unn‘ dodefor meschten mir Eisch schunnemool ganz härzlisch Dankschää sache, die anonyme Giddarischde!

Mundartsprecherinnen und Mundartsprecher, Geistesschwestern und Geistesbrüder, liebe Pälzerinnen und Pälzer!

Das Jahr neigt sich, die Felder leeren sich, die Rüben rüben, die Reben reben, die Raben raben und Eure kleine musikalische Selbsthilfegruppe kommt zum nun zehnten Mal nach Oppau ins Bürgerhaus.

Weiderlese...Oppau 2016! 

Mundartsprecherinnen und Mundartsprecher, Geistesschwestern und Geistesbrüder,

liebe Pälzerinnen und Pälzer!

 

Mir ha’mm uns in de Kopp‘ gesetzt

uff uns’re naie Seit im Netz

als’emool vun Zeit zu Zeit

fer Gäscht unn‘ int’ressierte Leit

bei uns unn‘ a’ch an ann’re Schtelle

immer mol was ei’zuschtelle‘.

Weiderlese...Die Anonyme in der Tube!